Aktivitet i Klinikës Gjinekologjike/ Obstetrike dhe SHOGJK-së

Me anagzhimin e drejtorisë klinikës dhe ekipit të shoqatës të drejtuar nga Prof. Assoc. Shefqet Lulaj për disa muaj, u arrit që të fitohet granti mbështetës për pajimin e repartit onkologjik pranë klinikës nga Qeveria Japoneze.

Me 14 Dhjetor 2007, në Klinikën Gjinekologjike/Obstetrike, Ambasadori japonez në Beograd, Tadashi Nagai dhe drejtori i kësaj klinike, Dr. Shefqet Lulaj nënshkruan programin e përkrahjes për këtë klinikë. 

Gjatë kësaj ceremonie të nënshkrimit të programit ishte edhe Dr. Ilir Tolaj, Sekretar i përhershëm i MSh, që me këtë rast falënderoi përkushtimin e Qeverisë dhe popullit japonez për mirëqenien shëndetësore të qytetarëve të Kosovës. Fjalë përshëndetëse dhe miradije për këtë projekt dhe ndihmat japoneze në përgjithësi për shëndetësinë kishte edhe drejtori i QKUK-së, Dr. Jusuf Ulaj.

Programi i nënshkruar sot, siguron këto pajisje:

Ultrazëri Color-Doppler me 2 sonda, Kolposkop me monitor, Karrigë gjinekologjike, Pompa infuzive (4copë), Termokauter, Sterilizator, set për biopsi të qafës së mitrës dhe kyretazhë (2 copë). Vlera e të cilave është 67.892. euro.

Programi ka për qëllim që të përkrahet Departamenti i Onkologjisë së KGjO me qëllim të diagnostifikimit dhe tretmanit parakanceroz dhe kancerit të gjirit dhe qafës së mitrës. Kjo ndihmë synon të siguroj mirëqenie më të mirë për femrat përmes mjekësisë bashkëkohore.